فعالية : مـن ذكـريـاتـك نـذب عـلـيـك (( صور )) ..!!
3 مشترك
كاتب الموضوع
رسالة
McM المدير
عدد الرسائل : 56 العمر : 31 تاريخ التسجيل : 18/08/2007
موضوع: فعالية : مـن ذكـريـاتـك نـذب عـلـيـك (( صور )) ..!! الأربعاء أغسطس 22, 2007 12:35 pm
.
. .
. .
أيام الطفوله ، أيام الفلعات (فلقات) ، أيام لعب المصاقيل ، أيام لعبت يالعمال العماليه ، ولعبت شبرا أمرا ، أيام أستمتعنا فيهااا ولنا فيها ذكريات حلووه حتى لو كانت هالذكريات فيها جريات و محارش مع عيال الحاره وكل يوم والثاني سارقين لك نعالك ولااا راجع للبيت ونص ثوبك لونه أسود من كثر ما مسحوو عيال الحاره خشتك بالأرض بس مع هالذكريات وكل ما جلسنا بينا وبين أنفسنا وجلسنا نتذكر ترتسم الأبتسامه على خششنا حتى لو كناا بوقتها نصيح من كثر الجلد اللى جانااا ، وأذكر يوم أني صغير (( بدينا بالنصب )) كنت أعشق الحاره وأموت فيهااا واللى زاد عشقي لهاا كانت حديقه تقطن جمب بيتنا يعني فوق مالحاره فيها إناره فيها حديقه يعني كنت أزعط على عيال خالتي وكل يوم أحسسهم أنهم عيال فقر وحارتهم مافيها حديقه وشوارعهااا مافيها إناره ، كنت أطلع ألعب كوره عند باب بيتنااا ومع الحماس والزعاق وكل تبن وكل ترااب و عطني الكوره ، شوي ويقوم البقس ومجالد لين مالواحد يضيع باب بيتهم من كثر الجلد إلى جااه وإذا رجعت للبيت وانا احاول ان اخفى الدموع اللى بوجهي ، يجي الوالد الله يحفظه ويشوفني متبهذل وحالتي حاله وانا اقول بس جاا الفرج جاا من يجلد هالكلاب اللى طقووني وبدى أصيح عند أبوي وتّمسكن عنده واقووول طقوووني ، ويمسكني أبوي ويبداا يمسح خشتي ببلاط البيت ويمتلي النص الثاني للثوب بعد ماكان نصه أسود من الشارع يصير نصه الثاني مغبر من حوش البيت (( والله ودي أكذب زياده وقول ان حارتنا فيها حديقه وشوارعنا منوره وعندنا خدامه كل يوم تنظف الحوش بس اخاف تغترون فيني وتحسبوني أمير )) ..!!
لكل واحد فينا له ذكريات ولكل واحد فينا له صور في العديد من مراحل حياته ولكل واحد فينا له صور محترقه من كثر مالوجه يسد النفس ، حبينا ننبسط مع بعض أكثر وأكثر بعد ما تجرئ أعضاء الشقه بالعديد من المواضيع بالكشف عن أسرار مال امها داعي ، فقلنااا اكيد الدعوه خربانه خربانه وخلونااا ننبسط أكثر وأكثر ، ونجيب السالفه بأسلوب ذب x ذب لأننا ولله الحمد عاهات وحناا كبار فما بالكم وحنا صغار وجبه كامله الدسم للذب .. الله يقطعنا شوو مهضومين ، وخلوني أشرح لكم الطريقه اللى راح نسلكهااا مع بعض بهذي الفعاليه النكبه ..!!
مـن ذكـريـاتـك نـذب عـلـيـك ..!!
شعار الفعاليه أكبر دليل على أننا راح ننسى الصداقه اللى بينا شووي ونبداا نذب على بعض لين مالواحد فينااا يقرر انه يزور أقرب مركز تجميل ويلحق اللى يقدر يلحق عليه من شين موجود بخشته ويعدله (( اللهم لا عتراض )) ..!!
طريقة الفعاليه / كل واحد فينا يروح لأمه ولا أبوه ويقول لهم (( تسولف على بزران أنت )) ويقول لهم عطوني صوري وأنا بزر ، ويختار العضو أطلق الصور اللى يطلع فيهاا دلخ و صتيمه لا يجيني أحد ويجيب لنا صوره وهو مرسّم ولا يعطينا صوره وهو بكامل حلته وكشخته عشان البنات لا يخقون معاااه ويقولون يووه وش ملحه (( أشوني بجلس أختار الصور قبل لا تنزل )) وبعدين عزيزي العضو بعد ماتختار الصور وترفعها على جهازك ترسلهااا لي على الخاص
خطوات طرح الفعاليه / راح نخصص كل خمس أيام إلى أسبوع لعضو وراح ننزل موضوع بأسمذكـريـات عـضـو (1) ونزل الصور المختاره مع كم جمله مصاحبه نكتبهااا كاا سيرة ذاتيه للعضو ومن ثم نفتح المجال للذب والتريقه والزحف بالعضو صاحب الصور ونحسس أبوه وامه وش كثر أظلمو العالم يوم انهم جابو لنا هالشين .. وبعد مانخلص من العضو الأول ننزل موضوع العضو الثاني وهكذا دواليك ..!!
مابعد الفعاليه / بعد مانخلص من الأعضاء كلهم ندمج كل المواضيع مع الموضوع الأم اللى هو هذااا ونفتحه على مصراعيه عشان تشكروني انا على هذا الجهد الجبار اللى بذلناه من آجل إنجاح هذه الفعاليه <<< والله من شين الدبره ، ومن ثم نروح ونتفق مع أصحاب الصور اللى بيوافقون على انااا نعلن عن أسمائهم وإذا لقينااا اكثر من عضو موافق راح نفتح موضوع خاص بكل عضو وراح يكون أسم الموضوع لـمـيـن الـصـوره ويبداا التخمين منهوو صاحب الصوره المغلوب على أمره ، وبهذا ننهي أكبر فعاليه فيها كبت عشااا وفضايح ، وبهذا راح نكون مستهدفين من عدة منظمات منها منظمة الرفق بالحيوان وكذلك منظمة حقوق الأنسان وراح نكون مراقبين من مدينة الملك عبدالعزيز من خروج أي حركة تنظيمه راح تنشأ بعد هذه الفعاليه ..!!
ملاحظه / من اليوم راح ينزل الموضوع (( أنا بعرف من قالك تعرف تكتب موضوع تشويقي )) ومن اليوم راح نثبت الموضوع ونقفله وكذلك من اليوم راح نستقبل صوركم ورسائلكم على الخاص لكي نسلك مع بعض سلكتـ(ن) ماهيب بصاحيه ..!!
عزيزي العضو لا تنكبناا وماترسل لنا صورك تراا مالها داعي نتوهق ونقول ان المراقبين ألغوو الفعاليه لأن الصور تثقل على المنتدى ، فلا تترد وارسل <<< يازين أبليس عندك ..!! المهم ارسلو الرسئل الخاصه الى بنت شييوخ ولا قمر المنتدى او انا
طرووق عضو فضي
عدد الرسائل : 305 العمر : 84 تاريخ التسجيل : 19/08/2007
موضوع: رد: فعالية : مـن ذكـريـاتـك نـذب عـلـيـك (( صور )) ..!! الإثنين أغسطس 27, 2007 1:20 pm